Bu gün Rusiyada yaşayan jurnalist Fuad Abbasov Bakıya deportasiya ediləcək. Fuad Abbasovun ailəsinin qadinkimi.com saytına verdiyi məlumata görə jurnalist Moskvanın Domodedova Hava Limanından Rusiya vaxtı ilə 23:45-də yola salınacaq və Bakı vaxtı ilə 03:35-də artıq Heydər Əliyev adına hava limanında olacaq.

Qeyd edək ki, Fuad Abbasov may ayında Moskva vilayətinin Ximki şəhərində saxlanılıb. Ximki Şəhər məhkəməsi onun Rusiyada yaşamaq icazəsinin ləğv olunmasına baxmayaraq ölkəni tərk  etmədiyini əsas gətirib deportasiya olunması haqqında qərar çıxarıb. Fuad Abbasovun apellyasiya şikayəti əsasında dünən təkrar məhkəmə iclası keçirilib. Moskva Vilayət Məhkəməsi Ximki şəhər məhkəməsinin qərarını qüvvədə saxlayıb. Jurnalist bu gün Bakıya göndəriləcək.