İranın Azərbaycandakı səfirliyinin binasında yanğın olub. Bu barədə Azərbaycan Avropa Hərəkatının rəhbəri Ramin Hacılı öz facebook səhifəsində canlı yayınla məlumat verib. Onun sözlərinə görə FHN maşınları və bir neçə başqa avtomobil səfirliyin binası önündədi. Videodan da göründüyü kimi yanğınsöndürən əməkdaşlardan yanğının bitib bitmədiyini soruşan Ramin Hacılıya hələ ki, sönmədiyi cavabı verilir. Hadisənin baş vermə səbəbi hələlik məlum deyil.