Türkiyənin Sakarya şəhərində yaşayan və tək barmağı ilə yazdığı "Qanadı qırıq mələyin qanadına ilişənlər” adlı kitabın müəllifi Rukiyyə Türəyənin bir arzusu var idi; kitabının satışından əldə etdiyi gəlirlə anasına ev ala bilmək. Rukiyyə Türəyən bu xəyalını gerçəkləşdirərək bir çox insana əzmin gücünü göstərib. Hazırda 39 yaşı olan Rukiyyə Türəyənin bu kitabı 2018-ci ildə çap edilib. Rukiyyə yeni kitab üzərində çalışır. Yazmaqla xəyalını gerçəkləşdirməyin mümkün olduğunu deyir. 

 

Anası Fatma Türəyən də qızının əzminin onların ikisini də çox sevindirdiyini söyləyib. Qızının hər zaman ona "Sənə bir ev alacam, illərdir mənim qayğıma qalırsan” dediyini bildirən Türəyən "Böyük əzmlə kitabını nəşr etdirdi. Kitabın satışından əldə etdiyimiz gəlirlə bir ev aldıq. Bu mövzuda bizə kömək edən bütün oxucalara təşəkkür edirəm” fikirlərini səsləndirib.

Rukiyyə Türəyən hazırlıqlarını davam etdirdiyi ikinci kitabının gəliri ilə də reabilitasiya mərkəzi qurmağı planlayır.