BURA / ORA
SƏNƏT
BİLİM / DİN
SEVGİ
EV / ÇÖL
FEMİNİZM
UŞAQ / BÖYÜK
HÜQUQLARIMIZ
QADIN / KİŞİ
KİŞİ KİMİ
GENDER
SEKS
HƏR ŞEY / HEÇ NƏ
DƏB VƏ BAXIM
YAZI / DÜŞÜNCƏ
REDAKTOR SEÇİMİ
ÇOX OXUNANLAR
SƏNƏT
O mənim ən qanlı müharibəm idi - Şəhriyar del Gerani
Tarix : 23 Noyabr 2019, 13:52 Üzümü təbiətə tutub yaşayacam daha:
Səndən incidiyimi yağışa deyəcəm,
səni darıxmağımı küləyə, ağaca, ota.
Bakıya ilk qar yağanda deyəcəm
səni nə qədər sevdiyimi.
Gedib dayanacam sahildə,
daş atacam Xəzərə.
Bir təhər başımı qatacam elə.
Başa düşməsən, gedib Dneprə deyəcəm,
balıqlara su verəcəm.
Ən çox elə susuzluqdan ölür balıqlar...
Sən yağışın nəyisən axı?
Səni göyərçinlərdən soruşacam.
Deyəcəm: O mənim ən qanlı müharibəm idi,
məğlub oldum, əsir düşdüm ömürə.
Səni qağayılardan soruşacam.
Deyəcəm: O mənim ən uzağım idi,
gedib çata bilmədim, bir də gördüm ötüb keçmişəm.
İndi mən oturub ağlanası kədərli bir keçmişəm.
Sən küləyin nəyisən axı?
Şəhriyar del Gerani
qadinkimi.com
