Türkiyədə artıq on gündü “Flormar” kosmetika firmasının qarşısında aksiya davam edir.  Türkiyədə “sendika” adlanan işçilərin hüquqlarını qoruyan həmkarlar birlikləri var.  Onlar bir araya gəlib işçi hüquqlarını tələb edir, müzakirələr aparırlar.  Bu cür təşkilatlanan 115 qadın  Flormar-dan çıxarılıb. Onlar  günlərdir müqavimət göstərirlər. Flormar rəhbərliyi müqavimətə qarşı müqavimət sərgiləyir.  Qovulan işçilərlə çalışanlar arasında  əlaqəni kəsmək məqsədilə fabrikin girişinə tikanlı məftil çəkiblər. Türkiyənin tanınmış kosmetika şirkətlərindən  olan Flormarın Kocaeli Gebze zavodunda fəhlə və həmkarlar ittifaqı düşmənçiliyi davam edir. İşçilərin  təşkilatlanmasından sonra  115 qadın  işdən çıxarılıb.  Flormar rəhbərliyi fəhlələrin fabrik qarşısında qətiyyətlə davam etdirdiyi müqaviməti  əngəlləməyə çalışır. Aksiyaçılar  səhər zavod önünə gələrkən  giriş qapısının üç metrlik  qurğu ilə bağlanıldığını və zavod ətrafının tikanlı məftillə əhatə olunduğunu görüblər. İşçilər "Bu qədər fəhlə düşmənçiliyi edilməz! İçəridəki həmkarlarımızın bizi görməsinə mane olmağa çalışırlar" deyərək  etirazlarını dilə gətiriblər. Türkiyə feministləri etirazçılara dəstək olaraq Flormarı tənqid edirlər.