BURA / ORA
SƏNƏT
BİLİM / DİN
SEVGİ
EV / ÇÖL
FEMİNİZM
UŞAQ / BÖYÜK
HÜQUQLARIMIZ
QADIN / KİŞİ
KİŞİ KİMİ
GENDER
SEKS
HƏR ŞEY / HEÇ NƏ
DƏB VƏ BAXIM
YAZI / DÜŞÜNCƏ
REDAKTOR SEÇİMİ
ÇOX OXUNANLAR
BURA / ORA
Divardan əsər kimi asılan bananı "ac rəssam" yeyib
Tarix : 10 Dekabr 2019, 12:45 Yazar : Qadinkimi.com
Gürcüstan əsilli amerikalı rəssam David Datuna Miami şəhərində Perroten qalereyasında keçirilən "Art Basel" müasir incəsənət sərgisində italiyalı sənətçi Maurizio Cattelan-ın "Komik" adlı tək bir banandan ibarət əsərini yeyib.
İtaliyalı sənətçinin əsəri divara skotç lentiylə yapışdırılmış bir ədəd banandan ibarət olub. Banan qabığı artıq qaralırdı.
Hadisədən bir qədər əvvəl həmin banan incəsənət əsəri qismində Fransadan olan bir kolleksiyaçıya 120 000 dollara satılmışdı.
Datuna bananın yeyilməsi görüntüsü olan videonu öz Instagram səhifəsində paylaşıb.
"Biz Maurizio-ya hörmətlə yanaşırıq, lakin bu, "Ac rəssam" adlı art-performansımdır, - banan yeyən rəssam videoda deyir. - Dadlıdır.... mənim adım David Datunadır".
Sərgi təşkilatçıları yeyilmiş bananın əvəzinə divara yenisini yapışdırıblar.
Miami Herald nəşrinin məlumatına görə, şənbə günü sərgidəki banan installyasiyasının qarşısına arakəsmələr çəkilib və eksponatı polis əməkdaşları nəzarətə alıb.
"Banan - bu bir ideyadır, o [David Datuna] bu sənət əsərini məhv etməyib", - Perroten qalereyasının sözçüsü və Maurizio Catellan ilə işləyən Lucien Terra deyib.
Terra qeyd edib ki, nə qədər ki, əsərin sertifikatı qüvvədədir, həmin əsər geçək sayılır.
"Bu bananı lentə alanlar Mona Lisa əsərini çəkənlərdən daha çoxdur", - Terra deyib.
Maurizio Cattelan baş verən hadisəni şərh etməyib.
David Datuna Tbilisdə doğulub, hazırda New York şəhərində yaşayır, ABŞ vətəndaşıdır.
2011-ci ildə onun "Putin - Mona Lisa" əsəri Moskvadakı hərracda 200 min dollara satılıb.
Mənbə: bbc.com
qadinkimi.com
