BURA / ORA
SƏNƏT
BİLİM / DİN
SEVGİ
EV / ÇÖL
FEMİNİZM
UŞAQ / BÖYÜK
HÜQUQLARIMIZ
QADIN / KİŞİ
KİŞİ KİMİ
GENDER
SEKS
HƏR ŞEY / HEÇ NƏ
DƏB VƏ BAXIM
YAZI / DÜŞÜNCƏ
REDAKTOR SEÇİMİ
ÇOX OXUNANLAR
Gəl, isti bir qəhvə dəmlə... KƏNAN HACIDAN ŞEİR
Tarix : 17 Fevral 2022, 17:20 Qəhvə dadında qadın
Sən gələndə ümidlərin yorğun vaxtıydı,
Sən gələndə bu həyatın durğun vaxtıydı.
Sən gələndə mən əlimi səndən üzmüşdüm,
Qədəhimə şərab deyil, zəhər süzmüşdüm.
Unutmuşdum sevginin də şirin dadını,
Ömrümə ayaq ucunda gələn qadını...
Sevgilərin uçqununda çılğın əllərim
Kürəyindən sürüşəndə ipək tellərin...
Qar yağmışdı, pıçıltıyla dedin ki, qışdı,
Sən ovcumda əriyirdin qartək o qışda.
Sinəmdə bir köz alışır payız çağında,
Gəl, isti bir qəhvə dəmlə yağış yağanda.
Qışda gəlmə, qışda gəlmə, qışdan qorxuram,
Yağış yağır, pəncərədən sənə baxıram.
İndi sənin dodaqların orda üşüyür,
Çiçək kimi yanağında solub gülüşün.
Kirpiyində damla-damla nisgil hıçqırır.
Yağış yusun aparsın qoy bu ayrılığı.
Sən gələndə dodaqlarım susuz qalmışdı,
Siqareti siqaretə hey calamışdım.
Sən gələndə dörd tərəfim tüstü-dumandı,
Sən gələndə yaşamağım zəif gümandı.
Sən gələndə Günəş batdı, Ay da göründü,
Bu payızdan sağ çıxmasam, günah sənindi...
Şeir: Kənan Hacı
qadinkimi.com
