Nə qida qıtlığı yarandı, nə dərmanların tapılmasında çətinlik çəkdik. Düzdür spirt və maskada işbazlar öz istədiklərini etdilər. Amma həyat üçün vacib olan məsələlərdə-un, su və dərmanların tapılmasında problem yaranmadı. Əhali lazım olandan da çox ərzaq və dərman depoladı. Ailələr tanıyıram ki, iki kisə un aldılar, hər kisə 50 kiloluq idi. Üzü yaya gedirik. Yayda unun saxlanma şəraiti necə olacaq? Yayda un keyfiyyətini itirir, hətta zəhərlənmələrə səbəb ola bilər. Qidanın düzgün saxlanılmadığı şəraitdə insan həyatı təhlükədədir. 

"O qədər də təhlükəli vəziyyət deyil ki, çoxlu sayda ərzaq depolasınlar. Məsələn, 2-3 günlük, ən çoxu 1 həftə, ya 10 günlük ərzaq ehtiyatı görmək olar”.

Məsələn, Qarabağ müharibəsi dövründən sonra 1990-cı illərin əvvəllərində ərzaq qıtlığı yaşandı. O vaxtı un tapılmırdı. Xatırlayıram ki, bahalı saatı, qolbağı olan analar onu 1 kisə una dəyişirdilər. Analar övladını ac qoymamaq üçün belə addıma atmağa məcbur oldular.10 -15 kisə dəyərində qızılı 1 kisə unla dəyişirdilər. O dövrü yaşamışam, xatırlayıram ki, talonla çörək alırdıq. Ona görə də insanlar qorxurlar. Yaşlı və orta nəslin nümayəndələri ona görə çəkinirlər ki, birdən həmin dövrü yaşayarlar. Heç kim özünə görə narahat olmur. Hamı övladına, ailəsinə görə narahat olur”.

Üstəlik də sərhədlər bağlı olduğu üçün xarici ölkəyə mal çıxarmaq məhdudiyyətləri  var. Hamı yerli bazara axın edir. Ona görə bazarlarda, marketlərdə heç bir qıtlığın yaşanmayacağını bütün ekspertlər təsdiqləyir. Düzdür, işbazlar fürsətdən istifadə edərək bahalanmada öz hünərlərini sərgiləyirlər. Amma qida qıtlığı yaşanmayacaq. Ona görə də əhali boşuna təşvişə düşüb ərzaq depolamağa çalışmasın. Bütün bunlar gərəksizdir.