- Hələlik necə deyərlər, hal – hazırda donmuş vəziyyətdədir. 120 kvadrat metr yerdə yerləşir və mənim öz yerim deyil. Bu sahə də müzey üçün çox kiçikdi.  Çünki get - gedə ekspontların sayı çoxalır. Böyük bir binaya, əsil muzeyə ehtiyac var.

- Düzdü, elə bir söhbət var idi, amma mən o işin alınmamağına, necə deyərlər, sevindim. Çünki alınsaydı, çox balaca bir məkan olacaqdı. Sonradan yeni bir yer ala bilmək şansım olmayacaqdı. Ən pisi də o idi ki, eksponatların əlimdən alınma  ehtimalı var idi. Mən illərdi bu eksponatları toplayıram və bir imzaya, ya da bir məkana görə onlar mənim əlimdən çıxa bilərdi. Eksponatlarım hələ ki, məktəbdə yerləşir - Şağan qəsəbəsində. Məktəbin müdiriyyətinə  göstərdikləri bu dəstəyə görə təşəkkürümü bildirirəm. 

- Özüm 40 min manata qədər pul xərcləmişəm, amma bu axır illərdə Gənclər Nazirliyi mənə 8 min 500 manat pul ayırdı, onlara öz minnətdarlığımı bildirirəm. Xərclədiyim məbləğ təqribən 50 min manatdı. Mən başqa gənclər kimi pulu geyinməyə, yeyib – içməyə, gəzməyə deyil, eksponatların əldə olunmağına sərf etmişəm. Kimsə məndən soruşanda ki, sənin bu işdə maddi marağın nədi, pis təsir edir. Çünki bu iş mənim ruhumun istəyidir. Onu qazanc üçün yox, sevərək edirəm. İlk zamanlar başlayanda yaşım da az idi. Heç bir şey düşünmürdüm. Bircə onu bilirdim ki, bunları toplamaqdan zövq  alıram.  Sonralar  zaman keçdikcə və yaşım artdıqca gördüyüm işin mahiyyətini anlamağa başladım. Qeyd etdiyim məbləğ də sadəcə xərclənən məbləğdi. Bu müzeyə daxıl olan eksponatların əsil dəyəri deyil. Mənə çoxlu hədiyyələr də olub. Onların çox böyük dəyəri var. Əslində ödədiyim vəsaitin çoxu da simvolik xarakter daşıyıb.  Çünki mənim əldə elədiyim eksponatların əksəriyyətinin həddən artıq çox qiyməti var.   

- Mən bu işə 12 yaşımdan başlamışam  bir xobbi kimi. Numizmatika və bonistika ilə başladım, kağız və dəmir pulların, sikkələrin toplanması ilə. Heç ağlıma da gətirməzdim ki, bu xobbi belə irəli gedəcək və mənim kolleksiyamda 110- a yaxın rəssamın işi olacaq. Eyni zamanda qədim əlyazmalar, külliyatlar, etnoqrafik əşyalar da daxildir.  Artıq maraqlı heykəl nümunələri də toplamağa başlamışam, düzdü, bu daha bahalı bir xobbidi, amma heykəllərin çox xoş aurası var.

- Yox, köməkçim yoxdu, dostlar sağ olsun. Gəlib kömək edirlər. Amma bu elə bir işdir ki, bütün bunların dəyərini mənim qədər bilən biri lazımdı. Çox dəyərli nümunələr var ki, çox kiçikdi, amma dəyəri böyükdü. Nə vaxtsa istədiyim məkan olsa, bu müzeyi yerləşdirmək üçün yığdıqlarımın saxlanıb qorunması da daha rahat olar.  Yaratdığım muzey nə  vaxtsa xalqıma, millətimə qalacaq.  Bir haşiyəyə çıxım.  Bəzən müzeylərimizdə çox kobud şəkildə imitasiyalara rast gəlirəm. Təbii ki, bu müzeyi doldurmaq üçün atılan xoşəgəlməz  addımdı. Amma, bizdə elə kolleksiyaçılar var ki, onları heç kim tanımır. Gəncədə Məzahir adlı bir kolleksiyaçı var. Onun kolleksiyasından çox orjinal bir numizmatika müzeyi yaratmaq olar. Amma heyiflər olsun ki,  bu işlə kimsə məşğul olmur. Mən muzeyimi tanıtdırmağa çalışmışam deyə bu haqda az da olsa xəbəri olanlar var. 

Elə kolleksiyaçılar var ki, bir - iki dəfə müəyyən yerlərə müraciət edib dəstək görməyəndən sonra həvəsdən düşürlər. Mən əsla həvəsdən düşməyəcəm və 

istədiyimə nail olacam. 

- Bu kitabı təkcə Azərbaycanda yox, bütün dünyada yaşayan azərbaycanlı qadınlar haqqında yazıram. Bura İranda, Türkiyədə və ümumilikdə dünyanın bütün olkələrində yaşayan və qeyri - adı istedadı olan məşhur azərbaycanlı qadınlar daxildi. Mənim ən böyük arzum məşhur fotoqraf, dizayner Şirin Neşat ilə tanış olmaq idi. Bakıya gəldiyində onunla görüşmək mənə nəsib oldu. Dünyada yeganə Azərbaycan türk mənşəli qadın kraliça Fərəh Pəhləvi çox maraqlı şəxsiyyətdi. Keçən il ad günümdə hədiyyələr göndərmişdi, bu, məni çox xoşbəxt elədi. Bu cür qadınlarla tanış olduqca, onlar haqqında məlumat topladıqca qərara gəldim ki, mütləq bu qadınlar haqqında kitab yazmalıyam. İran tarixini, türk tarixini araşdıran Fransada yaşayan Fariba xanım diqqətimi çəkdi. Dilşad Elbrus - nüvə haqqında araşdırma aparan ilk azərbaycanlı qadın, Nobel mükafatı alan Şirin Ebadi, 6 dil bilən poliqlot xanım Şirin Hünter.  Bütün siyahini açıqlamaq istəmirəm. Qeyd edim ki, Nəsibə xanım Zeynalova da siyahidədi. Təbii ki, Nəsibə xanımla yanaşı Azərbaycanda yaşamış bir çox məşhur qadın kitabda yer alıb. Əvvəlcə onların sayı 300 nəfər idi. Araşdırıb 101 xanım saxladım. Mənə bir çoxları irad tutur ki, niyə filankəslərin adı da var.  Bəli, bu çox  məsuliyyətli işdi. Çünki  siyasi, mədəni nüanslar çoxdu. Diqqətli olmaq lazımdı. Çox tərəddüd etdiyim qadınlar vardı.  Seçim zamanı onların adını saxladım.  Düşünürəm ki, elə bu da kitabı daha samballı edəcək. Azərbaycanlı qadın dünyanın harasında yaşasa da, hansı dövlətə məxsus olsa da,  azərbaycanlı olaraq qalır və bir azərbaycanlı kimi onu bu kitaba salmağı özümə borc bilirəm.

- 7 ildi... 7 ay da işləsəm bitirərəm. Çünki əsas işlər görülüb. Artıq məlumatlar toplanıb, işlənilib. 7 il az müddət deyil. Özümə borc bildim və çox həvəslə işlədim.