Ondan çox müsahibələr alınıb, haqqında çox yazılıb, çox verilişlər hazırlanıb. Heç birində bu xanımın gördüyü işin mahiyyəti insanlara yetərincə çatdırılmayıb. Sadəcə görüntü, sadəcə təqdimat…

…Ürəklə bağlı dilimizdə çox deyimlər var -  ürəkli adam, ürəksiz adam, cəsur ürək və s.. Amma çox nadir işlənən bir ifadə də var - dəli ürək. Bü ifadə yalnız fədailərə aid edilir -  bir amal, ideya uğrunda hər şeyindən keçməyə hazır olan fədailərə. O da fədaidir, Azərbaycan mətbəx mədəniyyətini əcnəbilər arasında təbliğinə özünü həsr edən, dəli ürəkli fədai…

"Pomegranates and Saffron: A Culinary Journey to Azerbaijan" kitabı haqqında

 

 

2014-cu ildə yuxarıda adı göstərilən kitab geniş oxucu kütləsinə təqdim olunandan sonra onu kulinariya ilə bağlı müxtəlif tədbirlərə dəvət edirlər. Həmin tədbirlərin əksəriyyətində Azərbaycan mətbəx mədəniyyəti ilə bağlı mühazirələr oxuyur. Milli mətbəximizin gözəllikləri haqqında danışırb amerikalıları məlumatlandırır. 

İndiyədək 150-yə yaxın bizim mətbəximizlə maraqlanan amerikalıya öz evində xörəklərimizin bişirilmə qaydalarını öyrədib. Evində yemək dərsləri keçir, mətbəximizin sirlərini onlara aşılayır. 

Şəxsi mülkü olan, yaşadığı evinin arxasındakı həyətyanı ərazidə yalnız amerikalılardan ibarət tez-tez Azərbaycan mətbəxi və mədəniyyəti gecələri keçirir. Hər dəfə bir neçə xörəyimizin hazırlanma ardıcılığını izah etməklə iştirakçılara nümayiş etdirir, sonra da həmin yeməklər süfrəyə verilir. Sonda tədbir iştirakçıları Azərbaycan musiqisinin sədaları altında rəqs edirlər.

Bütün bunlardan əlavə ötən ildən başlayaraq amerikalıların Azərbaycana "Mətbəx və mədəniyyət" turlarını təşkil edir. Tur iştirakçılarını ölkəmizin bir sıra rayonlarına apararaq müxtəlif kəndlərdə yaşayan az saylı xalqların mətbəxi ilə də tanış edir. Məsələn, 2018-ci ildə keçirilən turun marşurutu belə olub- Bakı-Quba (Xınalıq kəndi, Qırmızı qəsəbə), İsmayıllı ( Lahıc və İvanovka kəndləri), Qəbələ (Nic kəndi), Şəki (Kiş kəndi), Qax (İlisu kəndi), Balakən (Mahamalar kəndi).  İki Qafqaz ölkəsinin mətbəxini müqayisə etməkdən ötrü Gürcüstan respublikası...2

007-ci ildən fəaliyyətdə olan azcookbook.com saytı da var. Orada təşkil etdiyi bütün tədbirlər haqqında məlumat tapmaq olar.

Bütün bunlar bir xanımın hobbisi kimi görünə bilər, amma dərindən düşünsək, bu, Azərbaycan mətbəxinin təbliğinə böyük xidmətdir…

 

Fəridə Sadıqova - Buyuran  Bakıda dünyaya gəlib. 1994-cü ildə 5 saylı məktəbdə orta təhsilini başa vurub. 1994-1998-ci illərdə Azərbaycan Xarici Dillər Universitetində ingilis-fransız dilləri üzrə bakalavr, 1998-2000-ci illərdə magistr dərəcələrinə yiyələnib. 1999-2001-ci illərdə "Azerbaijan International" jurnalında çalışıb. Orada işləyərkən jurnalın Los Anclesdəki baş ofisinə dəvət alaraq bir illik ixtisasartırma kurslarında iştirak edib. Burada Murad Buyuran adlı bir türkiyəli gənclə tanış olub. 2002-ci ildə ailə qurduqdan sonra birdəfəlik Los Ancelesə köçüb. 2003-2005-ci illərdə Kaliforniya Dövlət Universitetində ikinci ali təhsil alaraq, "Biznesin idarə edilməsi" ixtisası üzrə magistr dərəcəsinə yiyələnib. Qızının 15, oğlunun 11 yaşı var. Hər ikisi də azərbaycan, ingilis, rus, türk dillərində sərbəst danışırlar…

…Atası Rzaqulu Sadıqov fizika-riyaziyyat elmləri doktoru olub. AMEA-nın Fizika-Riyaziyyat İnsitutunda baş elmi işçi işləyib.

Anası Firuzə Əliyeva iqtisadiyyat üzrə fəlsəfə doktorudur. Azərbaycan Kooperasiya Universitetində müəllim işləyir…

Final

Bəli, hazırda Kaliforniya ştatının Long Beach şəhərində yaşayan Fəridə Sadıqova-Buyuranın xidmətləri çoxdur. Olduqca mehriban, gülərüz, təvazökar olan bu xanım Azərbaycan mətbəxinin Amerikadakı əsl fədaisidir…

 

 

Elman Eldaroğlu,

ABŞ, Miçiqan