Çox diqqətli olun, uşaq vaxtı yaşadılan travmalar da gələcəkdə neçə insanın, ailənin məhvinə səbəb olur.

Və dözdüyünüz alçaltmalar, təhqirlər həyatınızı, mənliyinizi, doğrularınızı, hisslərinizi əlinizdən alır. Dünya şərdən, pislikdən, neqativdən ibarət deyil. Könül qapınızı sevgiyə, inama, ümidə açıq qoyub yenidən başlayın həyata. Yaşadıqlarınız son deyil... yeni başlanğıcdır son vaxt. Dünyanın vecinə olmayan yaşantılarınız bir bəşərin - sizin də dünyanızı başınıza yıxmamalı. Yetər ki, ürəyinizin daşa çevrilməyinə imkan verməyin. Sevgini, uzanan əli geri çevirməyin. Hər şeyi dəyişmək təkcə sizdən asılıdır. Bunu sadəcə istəməlisiniz.

Rahatlıq və xoşbəxtliyə əliniz çatana qədər vaz keçməyin. İnsan övladı güclüdür, bacarır. Özüylə, doğmalarıyla, olduğu mühitlə, dünyayla savaşmağa son qoysa... bu hikkə, nifrət, kin-kidurət, qisasçılıq insana heç nə qazandırmır, əksinə hər gün ondan nəsə qoparır, mənəvi məhvini tezləşdirir. Özünüzə bu pisliyi etməyin. Bütün çətinliklər insan üçündür, bunu adi qəbul edin və yeni səhifə açmaqdan, sevməkdən, güvənməkdən, gülümsəməkdən qorxmayın.

Əziz dost, keçmişi keçmişdə qoy və sabaha inan!

Sevinc  Fədai

qadinkimi.com