YAZI / DÜŞÜNCƏ, HƏR ŞEY / HEÇ NƏ
Bilirsiz nə istəyirəm Tarix : 22 Noyabr 2020, 09:44
Bilirsiz nə istəyirəm?...
Azərbaycanın bütün şəhərlərində, rayonlarında, kənd və qəsəbələrində şəhidlərimizi, qazilərimizi, qəhrəmanlarımızı, savaşı əks etdirən muzeylər yaradılsın...
O muzeylərdə qəhrəmanlarımız haqqında məlumatlar toplansın.
Bir şəkil varıydı - tarixi bir şəkil: bir filmə, bir kitaba, bir ürəyə sığmayan bir şəkil... Şusada çəkilmişdi: əsgərimiz bir əlində silahı, çiynində yaralı əsgərlə irəliləyirdi...
 
 
 
 
 No description available.
 



Bu kimi fotolar çoxdur, videolar çoxdu, biz indi hər cür məlumat toplaya, gələcək nəsillərə ötürə bilərik. Onlar haqqında bilgi, eləcə də hər birindən, hər şəhiddən yadigar qalan nəsə bir şey.... Bunları indi etmək çətin deyil.
Eləcə də həmin muzeylərdə sosial şəbəkələrdə hər gün paylasılan film kimi videolarının da, səsyazılarının da hamısını toplamaq olar.
Və muzeylərdə monitorlar olsun. İgidlərimizlə bağlı bütün görüntülər daim yayımlansın ( çox narahatam ki, bir aydan sonra savaşda cəkilən bu videolar sosial şəbəkədə belə artıq az - az paylaşılacaq, amma bu videoları biz nəsildən - nəsilə ötürməliyik, indi hər kəs cəkdiyini burda paylaşır, ya sonra?) .
Şəhərlərdə, rayonlarda,  kəndlərdəki bütün insanlar bu muzeyləri qorusun. Hər həftə uşaqları bu muzeylərə aparıb məlumat versinlər .. Şəhidlər unudulmasın, bu savaş, bu qəhrəmanlıq unudulmasın, 1 - ci sinifdən artıq usaqların məlumatı olsun. Sinifdə müəllimənin danışmağı başqa... Bir də var ki uşaqlar daha canlı görsünlər, göz yaddaşı ilə əbədi beyinlərinə həkk olunsun.
Azərbaycana gələn hər kəs bu muzeylərdə olsun. Bu qəhrəmanlığı bütün dünya insanına çatdıraq.
 
 İnanıram ki, təkcə uşaqlar deyil, o muzeylərə uşaqdan böyüyə hər kəs gedəcək.
Onları unutmağa haqqımız yoxdu.
Bu tarixi yazanlara borcluyuq.
Bu torpağı Vətən kimi yaşadanlara borcluyuq.
 
 
 
 

 
Şəfiqə Abiyeva
 
qadinkimi.com